17
Mon, Feb
12 New Articles

Top Stories

Grid List

TAARIFA KWA VYOMBO VYA HABARI

Press Release

Tume ya Haki za Binadamu na Utawala Bora (THBUB)inasikitishwa na kauli zinazotolewa na baadhi ya viongozi na makundi ya kisiasa zinazoashiria uvunjifu wa haki za binadamu na ukiukwaji wa misingi ya utawala bora nchini.Aidha ,kauli hizo zimekuwa zikichochea kwa kiasi kikubwa wanannchi kujichukulia sheria mikononi mwao kutokana na kutoridhishwa na vitendo vya baadhi ya wanasiasa.Soma zaidi

 

Kukamatwa kwa Mfanyakazi wa Kituo cha Sheria na Haki za Binadamu (LHRC),Tito Magoti na Wenzake

Press Release

Tume ya Haki za Binadamu na Utawala Bora (THBUB) imepata taarifa kupitia vyombo vya habari, za kutekwa kwa Afisa wa kituo cha Sheria na Haki za Binadamu (LHRC), Bw. Tito Magoti kuanzia ijumaa Disemba 20, 2019.

Hata hivyo, baadae taarifa zilizopatikana kupitia vyombo vya habari zilimnukuu kamanda wa Kanda Maalum ya Dar es Salaam wa Jeshi la Polisi, SACP, Lazaro Mambosasa akiueleza umma kuwa Afisa huyo anashikiliwa pamoja na wengine watatu(3) kwa ajili ya mahojiano na uchunguzi kwa tuhuma ya makosa ya jinai ambayo hayakuwekwa wazi. Soma zaidi

TAARIFA KWA VYOMBO VYA HABARI

Press Release

Itakumbukwa kuwa Desemba, 9, 2019 katika Sherehe za Maadhimisho ya Miaka 58 ya Uhuru, Mheshimiwa  Rais John Magufuli alitangaza msamaha na kuwaachia huru wafungwa 5,533.

Uamuzi huo wa Rais wa kuwasamehe wafungwa alioutoa wakati akihutubia wananchi kwenye Uwanja wa CCM Kirumba, jijini Mwanza umekuwa ukitekelezwa na wakuu wa nchi tangu tupate uhuru mwaka 1961. Hata hivyo, uamuzi wa Rais kuwasamehe wafungwa 5533 ni wa kipekee tangu Tanzania ipate uhuru kutokana na idadi kubwa ya wafungwa aliowasamehe.Soma zaidi

 

Hotuba ya Mheshimiwa Bahame Tom Nyanduga, Mwenyekiti wa Tume katika siku ya kupinga mateso na ukatili dhidi ya wazee duniani, tarehe 15 Juni 2017, yaliyofanyika katika ofisi za Tume ya Haki za Binadamu na Utawala Bora, Jengo la Haki, Dar es Salaam. Pakua hotuba kamili

Hotuba ya Mhe. Bahame Tom Nyanduga, Mwenyekiti wa Tume wakati wa hafla ya utoaji tuzo za umahiri wa uandishi wa habari tanzania (EJAT) 2015, ukumbi wa Mlimani City, Dar es Salaam, aprili 29, 2016. Pakua hotuba kamili

Hotuba ya mwenyekiti wa Tume Mhe. Bahame T. Nyanduga, katika ufunguzi wa mkutano wa wadau kuhusu mikakati ya kukomesha mauaji na ukatili dhidi ya watu wenye ulemavu wa ngozi , tarehe 18 Machi 2015 katika ofisi za Tume. Pakua hotuba kamili

Balozi wa Denmark nchini Tanzania, Mette N. Dissing-Spandet akiongea na Mwenyekiti wa THBUB, Jaji Mstaafu Mathew Mwaimu katika mazungumzo yaliyofanyika kwenye ofisi za THBUB jijini Dar es Salaam mwishoni mwa juma.

News

Balozi wa Denmark nchini Tanzania, Mette N. Dissing-Spandet, ameieleza Tume ya Haki za Binadamu na Utawala Bora (THBUB) kuwa wataendelea kufanyakazi kwa karibu na tume kufuatia  mahusiano mazuri ya muda mrefu yaliyojengeka baina  ya Denmark na Tanzania.

Dissing-Spandet alitoa ahadi hiyo katika mazungumzo yaliyofanyika kwenye ofisi za THBUB jijini Dar es Salaam mwishoni mwa juma baina yake na Mwenyekiti wa THBUB, Jaji Mstaafu Mathew Mwaimu.

Alisema kuwa Denmark itaendelea kufanya kazi na THBUB na itaendelea kuisaidia kutekeleza majukumu yake ya kuhamasisha, kutetea na kulinda haki za binadamu nchini.

“Denmark imekuwa ikifanya kazi kwa karibu na THBUB kwa muda mrefu sasa, na tupo tayari kuendeleza ushirikiano wetu, tumeweza kufanya kazi kwa karibu kutokana na mahusiano mazuri ya muda mrefu baina ya nchi zetu mbili”, alisema  Dissing-Spandet

Kwa mujibu wa Balozi huyo,  alisema kuwa ni muhimu katika nchi yoyote kuwa na taasisi kama THBUB kwa kuwa zinasaidia nchi katika kuhamasisha uzingatiwaji wa masuala ya haki za binadamu na misingi ya utawala bora.

Mwenyekiti wa THBUB, Jaji Mstaafu Mathew Mwaimu alionesha kuridhishwa kwake na ushirikiano ulipo baina ya tume na Denmark na kusema kuwa  ushirikiano huo umesaidia sana tume kuweza kutimiza majukumu yake kwa kiasi kikubwa.

“Tunashukuru kwa jitihada zenu za dhati za kutuunga mkono, Denmark mmekuwa washirika wa mwanzo kabisa kuisaidia tume, na kupitia msaada wenu tume iliweza kujenga jengo hili la Haki House ambalo ndio tumekuwa tukilitumia kama ofisi zetu...Ahsante sana”, Jaji Mwaimu alimshukuru Balozi huyo

Kamishna wa THBUB, Nyanda Shuli alisema katika kikao hicho kuwa moja ya mipango ya THBUB mwaka huu ni kufanya ufuatiliaji wa uchaguzi mkuu utakaofanyika baadae mwaka huu, na kwamba mpaka sasa wameshaanza kufuatilia mchakato wa daftari la mpiga kura.

“Miongoni mwa mipango yetu mwaka huu wa uchaguzi ni kuwa na mikutano ya majadiliano na wadau mahususi ikiwemo Jeshi la Polisi, Vyama vya Siasa na Tume ya Uchaguzi ili kukumbushana umuhimu wa kuwa na uchaguzi wa amani nchini”, alieleza Shuli

Ziara ya Balozi huyo kwa tume ni ya kwanza ambayo ililenga katika kufahamiana na kuimarisha ushirikiano uliopo baina ya THBUB na Denmark katika kuimarisha uzingatiwaji wa haki za binadamu na misingi ya utawala bora nchini. .  

 

 ---Mwisho---

 

Balozi wa Ireland nchini Tanzania, Paul Sherlock (wa pili kushoto) akijadiliana jambo na Mwenyekiti wa THBUB, Jaji Mstaafu Mathew Mwaimu (katikati) muda mfupi baada ya kikao chao katika ofisi za ubalozi huo jijini Dar es Salaam. Wa kwanza kulia ni Aran Corrigan, Mtaalamu Mwandamizi wa Jinsia na Utawala Bora wa ubalozi wa Ireland, na wa pili kulia ni Kamishna wa THBUB, Nyanda Shuli. Wa kwanza kushoto ni Kaimu Mkurugenzi wa Idara ya Mipango wa THBUB, Laurent Burilo

News

Balozi wa Ireland nchini Tanzania, Paul Sherlock  ameonesha nia ya kushirikiana na Tume ya Haki za Binadamu na Utawala Bora (THBUB) katika kutoa elimu ya kukuza uelewa wa wananchi kuhusu  haki za binadamu na misingi ya utawala bora nchini. 

Sherlock alionesha utayari huo wa kushirikiana na THBUB wakati wa mazungumzo yake na ujumbe wa tume, ulioongozwa na Mwenyekiti wake, Jaji Mstaafu Mathew Mwaimu ulipomtembelea katika ofisi zake jijini Dar es Salaam Februari 13, 2020.

Wakati akijibu  ombi la Mwenyekiti wa tume ambapo alimuomba kuangalia uwezekano wa kushirikiana katika kuelimisha wananchi wa Tanzania kuhusu haki ya ardhi, Balozi alisema kuwa hilo ni jambo zuri na wataangalia uwezekano huo.

Kwa mujibu wa Jaji Mwaimu, maeneo mengi nchini kuna migogoro ya ardhi, huku akitaja baadhi ya maeneo kama ya Kilosa na Kilombero kama mfano wa maeneo yenye migogoro, na kusema kuwa wanawake ndio wahanga wakubwa linapokuja suala la umiliki wa ardhi.

“Nafikiri hilo litakuwa jambo zuri,  tutakaa tuone namna bora tunaweza kushirikiana katika kazi hiyo ambayo ipo katika mamlaka yenu, tutajadiliana na kuona wapi tunaweza kushirikiana”, alisema Sherlock

Akiongea mapema katika kikao hicho, Kamishna wa Tume, Nyanda Shuli alisema kuwa kwa sasa THBUB inapokea malalamiko mengi yanayohusu mafao, watu kuachishwa kazi bila kuzingatia taratibu, Balozi wa Ireland nchini Tanzania, Paul Sherlock  ameonesha nia ya kushirikiana na Tume ya Haki za Binadamu na Utawala Bora (THBUB) katika kutoa elimu ya kukuza uelewa wa wananchi kuhusu  haki za binadamu na misingi ya utawala bora nchini. 

Sherlock alionesha utayari huo wa kushirikiana na THBUB wakati wa mazungumzo yake na ujumbe wa tume, ulioongozwa na Mwenyekiti wake, Jaji Mstaafu Mathew Mwaimu ulipomtembelea katika ofisi zake jijini Dar es Salaam Februari 13, 2020.

Wakati akijibu  ombi la Mwenyekiti wa tume ambapo alimuomba kuangalia uwezekano wa kushirikiana katika kuelimisha wananchi wa Tanzania kuhusu haki ya ardhi, Balozi alisema kuwa hilo ni jambo zuri na wataangalia uwezekano huo.

Kwa mujibu wa Jaji Mwaimu, maeneo mengi nchini kuna migogoro ya ardhi, huku akitaja baadhi ya maeneo kama ya Kilosa na Kilombero kama mfano wa maeneo yenye migogoro, na kusema kuwa wanawake ndio wahanga wakubwa linapokuja suala la umiliki wa ardhi.

“Nafikiri hilo litakuwa jambo zuri,  tutakaa tuone namna bora tunaweza kushirikiana katika kazi hiyo ambayo ipo katika mamlaka yenu, tutajadiliana na kuona wapi tunaweza kushirikiana”, alisema Sherlock

Akiongea mapema katika kikao hicho, Kamishna wa Tume, Nyanda Shuli alisema kuwa kwa sasa THBUB inapokea malalamiko mengi yanayohusu mafao, watu kuachishwa kazi bila kuzingatia taratibu, upatikanaji wa haki kwa wakati na malalamiko kuhusu migogoro ya ardhi.  

Nyanda alisema kufuatia hali hiyo, THBUB inajipanga kujikita katika kuandaa mbinu zitakazo saidia kutoa majawabu ya matatizo hayo.

“ katika utatuzi wa migogoro tume tunahimiza kukaa katika mazungumzo ili kupata ufumbuzi, sisi tunaamini katika kuleta watu pamoja na kuzungumza kuhusu matatizo yao na kuyapatia ufumbuzi”, alisema Shuli

Kaimu katibu Mtendaji wa THBUB, Hajjat Fatuma Muya alieleza katika kikao hicho kuwa tume imekuwa ikifanya kwa karibu na taasisi mbalimbali za ndani na za kimataifa likiwemo Shirika la Maendeleo la Umoja wa Mataifa (UNDP).

Aidha, Muya alisema kuwa tume imeingia mkataba wa ushirikiano na AZAKI ishirini na moja (21) nchini kwa lengo la kuunganisha nguvu ili kuhakikisha haki za binadamu zinalindwa, zinakuzwa na kuheshimiwa.

Aliendelea kueleza kuwa kupitia ushirikiano huo, hivi Karibuni THBUB kwa kushirikiana na taasisi ya Haki Maendelea walitoa mafunzo ya haki za binadamu na misingi ya utawala bora kwa Madiwani ishirini na saba (27) wa Halmashauri ya Mkoa wa Lindi.

Ziara ya THBUB katika ubalozi wa Ireland ililenga katika kujenga mahusiano na na kutafuta ushirikiano wa kikazi kwa muelekeo wa kuhakikisha kuwa haki za binadamu na misingi ya utawala bora inatunzwa na kuheshimiwa nchini.

---MWISHO---

upatikanaji wa haki kwa wakati na malalamiko kuhusu migogoro ya ardhi.  

Nyanda alisema kufuatia hali hiyo, THBUB inajipanga kujikita katika kuandaa mbinu zitakazo saidia kutoa majawabu ya matatizo hayo.

“ katika utatuzi wa migogoro tume tunahimiza kukaa katika mazungumzo ili kupata ufumbuzi, sisi tunaamini katika kuleta watu pamoja na kuzungumza kuhusu matatizo yao na kuyapatia ufumbuzi”, alisema Shuli

Kaimu katibu Mtendaji wa THBUB, Hajjat Fatuma Muya alieleza katika kikao hicho kuwa tume imekuwa ikifanya kwa karibu na taasisi mbalimbali za ndani na za kimataifa likiwemo Shirika la Maendeleo la Umoja wa Mataifa (UNDP).

Aidha, Muya alisema kuwa tume imeingia mkataba wa ushirikiano na AZAKI ishirini na moja (21) nchini kwa lengo la kuunganisha nguvu ili kuhakikisha haki za binadamu zinalindwa, zinakuzwa na kuheshimiwa.

Aliendelea kueleza kuwa kupitia ushirikiano huo, hivi Karibuni THBUB kwa kushirikiana na taasisi ya Haki Maendelea walitoa mafunzo ya haki za binadamu na misingi ya utawala bora kwa Madiwani ishirini na saba (27) wa Halmashauri ya Mkoa wa Lindi.

Ziara ya THBUB katika ubalozi wa Ireland ililenga katika kujenga mahusiano na na kutafuta ushirikiano wa kikazi kwa muelekeo wa kuhakikisha kuwa haki za binadamu na misingi ya utawala bora inatunzwa na kuheshimiwa nchini.

---MWISHO---

 

Katibu Tawala wa Mkoa wa Lindi, Rehema Madenge akiongea wakati akiukaribisha ujumbe wa THBUB na Viongozi wa Haki Maendeleo walipotembelea ofisi za Mkuu wa Mkoa wa Lindi. Kulia Mkuu wa Mkoa wa Lindi, Godfrey Zambi.

News

Tume ya Haki za Binadamu na Utawala Bora (THBUB) imeshauriwa kujikita katika kutoa elimu ya haki ya ardhi na mirathi kwa kuwa maeneo hayo yameonekana kuwa na changamoto kubwa sana kwa jamii nchini.

Rai hiyo ilitolewa na Mkuu wa Mkoa wa Lindi, Godfrey Zambi alipokutana na ujumbe wa THBUB na viongozi wa Asasi ya kiraia, Haki Maendeleo walipomtembelea ofisini kwake kumpa pole kufuatia maafa waliyoyapata yaliyosababishwa na  mafuriko ya mvua yaliyotokea mkoani humo hivi karibuni.

Akiongea katika kikao hicho kilichofanyika leo Februari 8, 2020 katika ofisi zake mkoani Lindi, RC Zambi  alisema kuwa tume iwaelimishe wananchi kuhusu haki zao ili wazijue na waeleweshwe taratibu za kufuata pindi wanapotaka kudai haki zao zitakapokuwa zimevunjwa.

Alisema kuwa shida  ipo kwa wananchi wa chini ambao kwa kiasi kikubwa hawajui haki zao na hata ikitokea kuwa wanazifahamu bado hawajui njia sahihi za kufuata pale haki yake inapokuwa imevunjwa ili kuidai.

Aliendelea kusema kuwa matatizo mengi yapo katika ardhi na mirathi hivyo aliishauri tume kutoa elimu zaidi katika maeneo hayo ili watu wajue haki zao na njia za kufuata pindi wanapotaka kudai haki zao.

“Kwenye mirathi huko kuna matatizo, watu hawajui haki zao, ardhi pia kuna shida sana lakini wananchi hawajui njia za kufuata kudai haki zao, tuwasaidie wananchi hawa ili wajue njia za kufuata kudai haki zao ”, alisema Zambi

“Mheshimiwa Rais Magufuli anatuambia kila siku kuwa ametutuma ili tukatatue kero za wananchi, tena wananchi wa chini”,aliongeza 

“Tunatambua kuwa tume hamuwezi kwenda kila mahali, sisi tupo kwa ajili ya kuwahudumia wananchi kutatua kero zao, hivyo tushirikiane katika kutatua kero hizo”, alisisitiza 

Kamishna wa THBUB, Amina Talib Ali, ambaye ndiye alikuwa mkuu wa msafara huo alimueleza mkuu wa mkoa kuwa tume imekuwa ikifanya kazi zake kwa kushirikiana na taasisi mbalimbali ikiwemo za serikali, binafsi na taasisi za kimataifa katika kuhakikisha haki za binadamu na misingi ya utawala bora inalindwa na kukuzwa nchini.

Amina alimueleza mkuu wa mkoa kuwa itaendele kushirikiana na wadau wote katika kuhakikisha haki za binadamu zinalindwa na kuzingatiwa. Hata hivyo, Katika kuimalisha ushirikiano huo Kamisha alimueleza mkuu wa Mkoa kuwa  wametoa mafunzo kwa Madiwani wa Halmashauri ya Manispaa ya mkoa huo wa Lindi ili kuwajengea uwezo wa masuala ya haki za binadamu na utawala bora. Mafunzo hayo yalitolewa na THBUB kwa kushirikiana na Asasi ya Kiraia, Haki Maendeleo ambayo ndio iliwezesha mkutano huo kufanyika.

Kikao hicho cha Mkuu wa Mkoa  na THBUB pamoja na viongozi wa Haki Maendeleo pia kilihudhuriwa na Katibu Tawala wa Mkao wa Lindi, Rehema Madenge na Wakuu wa Wilaya tano za Mkoani humo.

---Mwisho---

 

 MAONI YA WANANCHI KUHUSU WAOMBAJI WANAOITWA KWENYE USAILI KWA AJILI YA NAFASI ZA MWENYEKITI, MAKAMU MWENYEKITI NA MAKAMISHNA WA TUME

Tume ya Haki za Binadamu na Utawala Bora (THBUB) ni taasisi huru ya umma na inayojitegemea iliyoanzishwa chini ya Ibara ya 129(1) ya Katiba ya Jamhuri ya Muungano wa Tanzania, Sura ya Pili ya Sheria yenye majukumu ya kuhakikisha kuwa haki za binadamu na utawala zinakuzwa, kulindwa na kuheshimiwa  nchini

Kamati ya Uteuzi  inawaalika  raia wa Tanzania wenye sifa zinazotakiwa kuwasilisha maombi kwa nafasi ya Mwenyekiti, Makamu Mwenyekiti na Makamishna ili  kujaza nafasi zilizo  wazi katika Tume ya Haki za Binadamu na Utawala Bora.Pakua Habari kamili . Read more

 

TUNAPENDA KUWATANGAZIA WADAU NA WATEJA WOTE WA TUME YA HAKI ZA BINADAMU NA UTAWALA BORA KWAMBA OFISI ZETU ZILIZOPO JENGO LA TANCOT ZIMEHAMIA JENGO LA WIZARA YA KATIBA NA SHERIA MTAA WA MKWEPU. HIVYO HUDUMA ZOTE ZITATOLEWA HUKO KUANZIA TAREHE 01 JANUARI, 2019

UTAWALA

Advertisement