29
Sat, Feb
13 New Articles

TAARIFA KWA VYOMBO VYA HABARI

Tume ya Haki za Binadamu na Utawala Bora (THBUB)inasikitishwa na kauli zinazotolewa na baadhi ya viongozi na makundi ya kisiasa zinazoashiria uvunjifu wa haki za binadamu na ukiukwaji wa misingi ya utawala bora nchini.Aidha ,kauli hizo zimekuwa zikichochea kwa kiasi kikubwa wanannchi kujichukulia sheria mikononi mwao kutokana na kutoridhishwa na vitendo vya baadhi ya wanasiasa.Soma zaidi

 

Kukamatwa kwa Mfanyakazi wa Kituo cha Sheria na Haki za Binadamu (LHRC),Tito Magoti na Wenzake

Tume ya Haki za Binadamu na Utawala Bora (THBUB) imepata taarifa kupitia vyombo vya habari, za kutekwa kwa Afisa wa kituo cha Sheria na Haki za Binadamu (LHRC), Bw. Tito Magoti kuanzia ijumaa Disemba 20, 2019.

Hata hivyo, baadae taarifa zilizopatikana kupitia vyombo vya habari zilimnukuu kamanda wa Kanda Maalum ya Dar es Salaam wa Jeshi la Polisi, SACP, Lazaro Mambosasa akiueleza umma kuwa Afisa huyo anashikiliwa pamoja na wengine watatu(3) kwa ajili ya mahojiano na uchunguzi kwa tuhuma ya makosa ya jinai ambayo hayakuwekwa wazi. Soma zaidi

Crime affected citizen thoughts

Tume ya Haki za Binadamu na Utawala Bora (THBUB) imepata taarifa kupitia vyombo vya habari kuhusu uvamizi wa kituo cha Luninga na Radio cha Clouds Media Group, uliofanywa na Mkuu wa Mkoa wa Dar es Salaam, Mhe. Paul Makonda, usiku wa tarehe 17, Machi mwaka huu, akiwa na askari wenye silaha.

TAARIFA KWA VYOMBO VYA HABARI

Itakumbukwa kuwa Desemba, 9, 2019 katika Sherehe za Maadhimisho ya Miaka 58 ya Uhuru, Mheshimiwa  Rais John Magufuli alitangaza msamaha na kuwaachia huru wafungwa 5,533.

Uamuzi huo wa Rais wa kuwasamehe wafungwa alioutoa wakati akihutubia wananchi kwenye Uwanja wa CCM Kirumba, jijini Mwanza umekuwa ukitekelezwa na wakuu wa nchi tangu tupate uhuru mwaka 1961. Hata hivyo, uamuzi wa Rais kuwasamehe wafungwa 5533 ni wa kipekee tangu Tanzania ipate uhuru kutokana na idadi kubwa ya wafungwa aliowasamehe.Soma zaidi

 

Tume ya Haki za Binadamu na Utawala Bora imesikitishwa na kitendo kilichofanywa na Kampuni ya RAHCO cha kubomoa nyumba zaidi ya 200 zilizojengwa pembezoni mwa reli maeneo ya Buguruni siku ya Jumamosi tarehe 11 Machi 2017, baada ya wakazi kutangaziwa ubomoaji huo siku moja kabla, wakati RAHCO wakiwa na taarifa ya wito wa

Tume kuhusu uchunguzi wa malalamiko ya wananchi kuhusu uhalali wa makazi yao kuwa nje ya mita 15 au mita 30 kama Sheria ya Reli, Namba 4 ya mwaka 2002 inavyoelekeza kwa maeneo ya mjini na vijijini.

Tume ya Haki za Binadamu na Utawala Bora ,iliandaa mkutano leo tarehe 10/08/2016 ili kuzungumzia tamko la jeshi la Polisi la tarehe 07/06/2016 la kuzuia mikutano na maandamano ya vyama vya siasa isiyo ya kiutendaji ,na tamko la CHADEMA kuhusu "UKUTA"na mikutano wanayopanga kufanya tarehe 01 Septemba,2016.Pakua Habari kamili.

Kama tunavyofahamu kuwa siku ya Jumapili Novemba 24, 2019 Watanzania kote nchini watafanya uchaguzi wa viongozi ngazi ya Serikali za Mitaa. Hatua hiyo ya uchaguzi imetanguliwa na uandikishaji wapiga kura, uteuzi wa wagombea na kampeni za wagombea, hatua ambazo zimetekelezwa kwa mafanikio makubwa.

 

Tume ya Haki za Binadamu na Utawala Bora (THBUB) imeridhishwa na idadi ya watu waliojitokeza kujiandikisha kupiga kura. Idadi hiyo imeongezeka ukilinganisha na idadi ya watu waliojiandikisha katika uchaguzi kama huo uliofanyika mwaka 2014.Soma Zaidi

 

Despair copy implications shouldn't weren't

Tume ya Haki za Binadamu na Utawala Bora (THBUB) inaungana na wadau wote wa haki za watoto duniani katika kuadhimisha “Siku ya mtoto wa Afrika”. Siku hii inaikumbusha dunia juu ya mauaji ya watoto wapatao 2,000 wa kitongoji cha Soweto nchini Afrika Kusini, waliouawa kikatili miaka 41 iliyopita na iliyokuwa Serikali ya Makaburu.

Canada reader forget shaking favorite

Tume ya Haki za Binadamu na Utawala Bora (THBUB) imesikitishwa na taarifa ya kuuwawa kwa aliyekuwaOfisa Upelelezi Mkuu wa Polisi (OC CID) wa Wilaya ya Kibiti na wananchi wengine wawili ambao ni aliyekuwa Mkanguzi wa Maliasili na Mlinzi wa katika Kizuizi cha Maliasili kilichopo katika Kijiji cha Jaribu, Wilaya ya Kibiti, Mkoani Pwani, tukio Iinalodaiwa kufanywa na kundi Ia watu wanaohisiwa kuwa ni majambazi waliovamia Kizuizi hicho usiku wa tarehe 21 Februari, 2017.

Tume inalaani vikali mauaji haya ya kikatili ya watu wasio na hatia. Aidha, tunaungana na Watanzania wengine nchini kuwapa pole wafiwa na wote walioguswa na msiba huu.
Kwa mujibu wa ibara ya 14 ya Katiba ya Jamhuri ya Muungano wa Tanzania ya 1977, kila mtu anayo Haki ya Kuishi na kupata hifadhi ya maisha yake kutoka katika jamii, kwa mujibu wa sheria. Hivyo, kuuwawa kwa askari polisi na maafisa hawa ambao walikuwa wakitekeleza majukumu yao kisheria ni kitendo kinachopaswa kuIaaniwa vikali na kiIa
mwananchi.
Kumbukumbu zinaonesha kuwa uvamizi wa vituo na kuuwawa kwa polisi ni matukio yanayojirudia hususan katika Mkoa wa Pwapi, raia wasio wema wamekuwa wakitenda vitendo hivi vya ukatili dhidi ya polisi na raia na kusababisha hofu kubwa miongoni mwa askari, familia zao pamoja na wananchi kwa ujumla.
Hivyo, Tume ya Haki za Binadamu na Utawala Bora inaungana na Serikali katika kukemea vitendo hivi na kuitaka kufanyika uchunguzi wa kina iIi kubaini vyanzo na kupata majawabu sahihi ya matukio na vitendo hivi dhalimu ili kuvidhibiti mapema na hivyo kuwahakikishia askari na raia usalama wao.
Pia, Tume inapenda kuwakumbusha wananchi, na taasisi zote umuhimu wa kupiga vita matendo yote yanayokiuka Sheria, ukiukwaji wa misingi ya utawala wa sheria na haki za binadamu, kwani haya yasipozingatiwa amani na utulivu nchini utatoweka.
Mwisho, Tume inatoa wito kwa wananchi kutoa ushirikiano kwa Jeshi Ia Polisi katika kuhakikisha watui waliofanya tukio hili wanakamatwa na kufikishwa katika vyombo husika iIi sheria ichukue mkondo wake.
Imetolewa na:

Mhe. Bahame Tom Nyanduga
Mwenyekiti
TUME YA HAKI ZA BINADAMU NA UTAWALA BORA
Februari 23, 2017

 

 

 

Sign up via our free email subscription service to receive notifications when new information is available.